哈哈哈～～～奇俠都冇符!

1 - 貨不對辦，小粉絲接受唔到現實掩面痛哭～

2 - 奇俠擔心小粉絲夢想幻滅，出盡百寶哄了又哄

3 - 勉強合照

荷李活型男羅拔唐尼（Robert Downey Jr.）係《鐵甲奇俠》（Iron Man）就大家都知，不過有位小粉絲見到羅拔真人嗰陣，因為羅拔冇着到件戰甲就喺度爆喊！

話說近來拍緊新片《The Judge》嘅羅拔，日前喺美國麻省去片場嘅途中，遇到個歲半小粉絲Jaxson Denno。Jaxson媽咪即刻同囝囝講「鐵甲奇俠嚟喇」，點知Jaxson接受唔到羅拔着便服嘅事實，認為奇俠應該係着住件甲，搞到呢位小朋友失望到即時喪喊，令羅拔唔知點算好。羅拔好擔心會令Jaxson夢想幻滅，所以就算工作人員叫佢走，佢都留低𠱁番Jaxson。幾經辛苦，羅拔卒之令Jaxson唔再喊，勉強影張合照啦！